Golfklúbburinn Hamar

img_3018.jpg
HomeFréttir

Fréttir

Leik lokið á Íslandsmóti unglinga í höggleik

Þá er leik lokið á Íslandsmóti unglinga í höggleik sem fram fór á Kiðjabergi um helgina. Eins og fram hefur komið hér á síðunni voru nokkrir keppendur frá GHD á mótinu og stóðu þau sig vel. Hægt er að sjá öll úrslit í mótinu með því að smella á tengilinn hér að neðan.

Read more: Leik lokið á Íslandsmóti unglinga í höggleik

Velgengnin heldur áfram á öðrum keppnisdegi

Öðrum keppnisdegi á Íslandsmótinu í höggleik er nú lokið. Keppendur GHD áttu annan góðan dag en sennilega enginn betri en Arnór Snær sem lék á 73 höggum eða tveimur höggum yfir pari vallarins á Kiðjaberginu. Frábær hringur sem skilar Arnóri upp í 3. sæti í sínum flokki fyrir síðasta keppnisdag. Birta heldur sínu striki í 3. sæti og Þórdís klífur upp listann eftir góðann dag í dag og er í 7. sæti og Elísa er í 9. sæti. Jónína er í 13 sæti í flokki 17 - 18 ára og hjá 14 ára og yngri er Ólöf María í 5. sæti og Magnea Helga í 13. sæti.

Það veður spennandi að fylgjast með krökkunum okkar á lokadeginum á morgun og góðar líkur á því að einhverjir þeirra standi á verðlaunapalli að móti loknu á morgun.

Fyrsta keppnisdegi á Íslandsmóti unglinga lokið

Fyrsta keppnisdegi á Íslandsmóti unglinga í höggleik er lokið á Kiðjabergi. Að vand stóðu keppendur GHD sig vel. Birta Dís er í 3. sæti og Elísa Rún í 7. sæti í flokki 15-16 ára stúlkna, Jónína Björg er í 8. sæti í flokki 17-18 ára og Ólöf María er í 6. sæti og Magnea Helga í 12. sæti í flokki 14 ára og yngri. Eini keppandi GHD í drengjaflokki, Arnór Snær, er í 14 sæti í flokki 14 ára og yngri.

Þess má geta að þær Jónína og Elísa fengu 43 punkta fyrir frammistöðu dagsins svo þær eru að fá verulega lækkun á forgjöf. Þá fékk Birta 39 punkta og Ólöf og Magnea 37 punkta svo flestir keppendur GHD spiluðu til lækkunar í dag. Við sendum krökkunum okkar baráttukveðjur fyrir framhaldið og vonum að þau haldi áfram á þessari braut þá tvo keppnisdaga sem eftir eru.

Sigurður Ingvi og Birta Dís klúbbmeistar GHD

Vel heppnuðu meistaramóti GHD lauk á laugardaginn. Sigurvegari í meistaraflokki karla varð Sigurður Ingvi Rögnvaldson en hann lék mjög vel og endaði á tveimur höggum undir pari. Sigurvegari í meistaraflokki kvenna varð Birta Dís Jónsdóttir. Keppnin var lífleg og spennandi í flestum flokkum og veðrið lék við þátttakendur. Öll úrslit úr mótinu má sjá á síðu mótsins á golf.is með því að smella hér og velja úrslit. Til að sjá öll úrslit skal velja Allir í reitnum hópar. Myndir af verðlaunahöfum og frá mótinu munu koma hér inn á næstu dögum.

Góður árangur hjá börnum og unglingum á Nýprent Open

Annað mótið í Norðurlandsmótaröð barna og unglinga fór fram á Sauðárkróki á sunnudaginn. Keppendur frá GHD náðu góðum árangri á mótinu og sópuðu til sín verðlaunum. Í byrjendaflokki stúlkna varð Ástrós Lena Ásgeirsdóttir í 4. sæti og Rebekka Lind Aðalsteinsdóttir í 12. sæti. Hjá drengjunum varð Þormar Ernir Guðmundsson í 8. sæti.

Í flokki stúlkna 12 ára og yngri unnu GHD stúlkur þrefalt. Í 1. sæti varð Snædís Ósk Aðalsteinsdóttir eftir bráðabana við Ásrúnu Jönu Ásgeirsdóttur sem hafnaði í 2. sæti. Í 3. sæti varð svo Amanda Guðrún Bjarnadóttir aðeins höggi á eftir þeim stöllum. Hjá drengjunum bar svo Sveinn Margeir Hauksson sigur úr bítum, Þorsteinn Örn Friðriksson varð í 4. sæti og Guðni Berg Einarsson í 8. sæti.

Hjá stúlkum 14 ára og yngri sigraði Ólöf María Einarsdóttir og Magnea Helga Guðmundsdóttir varð í 3. sæti. Hjá drengjum 14 ára og  yngri sigraði Arnór Snær Guðmundsson með glæsilegum hring upp á 74 högg eða tvo yfir pari.

Í flokki stúlkna 15 - 16 ára sigraði Birta Dís Jónsdóttir og Þórdís Rögnvaldsdóttir varð í 3 sæti.

Í flokki stúlkna 17 - 18 ára hafnaði Jónína Björg Guðmundsdóttir í 2. sæti.

More Articles...

Símanúmer í golfskála
466-1204

Joomla templates by Joomlashine