Golfklúbburinn Hamar

img_3476.jpg
Home

Fyrsta keppnisdegi á Íslandsmóti unglinga lokið

Fyrsta keppnisdegi á Íslandsmóti unglinga í höggleik er lokið á Kiðjabergi. Að vand stóðu keppendur GHD sig vel. Birta Dís er í 3. sæti og Elísa Rún í 7. sæti í flokki 15-16 ára stúlkna, Jónína Björg er í 8. sæti í flokki 17-18 ára og Ólöf María er í 6. sæti og Magnea Helga í 12. sæti í flokki 14 ára og yngri. Eini keppandi GHD í drengjaflokki, Arnór Snær, er í 14 sæti í flokki 14 ára og yngri.

Þess má geta að þær Jónína og Elísa fengu 43 punkta fyrir frammistöðu dagsins svo þær eru að fá verulega lækkun á forgjöf. Þá fékk Birta 39 punkta og Ólöf og Magnea 37 punkta svo flestir keppendur GHD spiluðu til lækkunar í dag. Við sendum krökkunum okkar baráttukveðjur fyrir framhaldið og vonum að þau haldi áfram á þessari braut þá tvo keppnisdaga sem eftir eru.

Sigurður Ingvi og Birta Dís klúbbmeistar GHD

Vel heppnuðu meistaramóti GHD lauk á laugardaginn. Sigurvegari í meistaraflokki karla varð Sigurður Ingvi Rögnvaldson en hann lék mjög vel og endaði á tveimur höggum undir pari. Sigurvegari í meistaraflokki kvenna varð Birta Dís Jónsdóttir. Keppnin var lífleg og spennandi í flestum flokkum og veðrið lék við þátttakendur. Öll úrslit úr mótinu má sjá á síðu mótsins á golf.is með því að smella hér og velja úrslit. Til að sjá öll úrslit skal velja Allir í reitnum hópar. Myndir af verðlaunahöfum og frá mótinu munu koma hér inn á næstu dögum.

Góður árangur hjá börnum og unglingum á Nýprent Open

Annað mótið í Norðurlandsmótaröð barna og unglinga fór fram á Sauðárkróki á sunnudaginn. Keppendur frá GHD náðu góðum árangri á mótinu og sópuðu til sín verðlaunum. Í byrjendaflokki stúlkna varð Ástrós Lena Ásgeirsdóttir í 4. sæti og Rebekka Lind Aðalsteinsdóttir í 12. sæti. Hjá drengjunum varð Þormar Ernir Guðmundsson í 8. sæti.

Í flokki stúlkna 12 ára og yngri unnu GHD stúlkur þrefalt. Í 1. sæti varð Snædís Ósk Aðalsteinsdóttir eftir bráðabana við Ásrúnu Jönu Ásgeirsdóttur sem hafnaði í 2. sæti. Í 3. sæti varð svo Amanda Guðrún Bjarnadóttir aðeins höggi á eftir þeim stöllum. Hjá drengjunum bar svo Sveinn Margeir Hauksson sigur úr bítum, Þorsteinn Örn Friðriksson varð í 4. sæti og Guðni Berg Einarsson í 8. sæti.

Hjá stúlkum 14 ára og yngri sigraði Ólöf María Einarsdóttir og Magnea Helga Guðmundsdóttir varð í 3. sæti. Hjá drengjum 14 ára og  yngri sigraði Arnór Snær Guðmundsson með glæsilegum hring upp á 74 högg eða tvo yfir pari.

Í flokki stúlkna 15 - 16 ára sigraði Birta Dís Jónsdóttir og Þórdís Rögnvaldsdóttir varð í 3 sæti.

Í flokki stúlkna 17 - 18 ára hafnaði Jónína Björg Guðmundsdóttir í 2. sæti.

Holukeppni GHD

Þá er allt að skýrast með framhald Holukeppni GHD. Hér að neðan eru tenglar á skjöl yfir viðureignir í fyrstu umferð útsláttarkeppninnar. Við viljum biðja þá sem eru þátttakendur í holukeppninni um að kynna sér skipulagið og setja sig í sambandi við mótspilara sinn. Kylfingar eru svo beðnir um að ljúka sínum leikjum sem fyrst.

Skipulagi í keppni til klúbbmeistara.

Skipulag í keppni til bikarmeistara.

Samskips og N1 mótaröð barna og unglinga

Fyrsta mótið í Samskip/N1 mótaröð barna og unglinga hjá GHD fór fram í síðustu viku í blíðskapar veðri. Keppendur voru nokkru færri en venjulega þar sem margir voru fjarverandi. Það breytti því þó ekki að mótið var skemmtilegt og sáust frábær tilþrif. Hér að neðan má sjá úrslit úr mótinu.

Byrjendaflokkur - Stelpur - Höggleikur

1 Ástrós Lena Ásgeirsdóttir GHD 66

 

Byrjendaflokkur - Strákar - Höggleikur

1 Þormar Ernir Guðmundsson GHD 60
2 Viktor Smári Eiríksson GHD 62

 

2. flokkur - Stelpur - Punktakeppni

1 Snædís Ósk Aðalsteinsdóttir GHD 12
2 Ásrún Jana Ásgeirsdóttir GHD 8
3 Amanda Guðrún Bjarnadóttir GHD 7

 

2. flokkur - Strákar - Punktakeppni

1 Þorsteinn Örn Friðriksson GHD 5
2 Guðni Berg Einarsson GHD 2

 

1. flokkur - Stelpur - Punktakeppni

1 Þórdís Rögnvaldsdóttir GHD 21
2 Magnea Helga Guðmundsdóttir GHD 20
3 Jónína Björg Guðmundsdóttir GHD 16
4 Birta Dís Jónsdóttir GHD 15
5 Elísa Rún Gunnlaugsdóttir GHD 15
6 Ólöf María Einarsdóttir GHD 15

 

1. flokkur - Strákar - Punktakeppni

1 Arnór Snær Guðmundsson GHD 22

Page 40 of 50

Símanúmer í golfskála
466-1204

Joomla templates by Joomlashine