Golfklúbburinn Hamar

img_3153.jpg
Home

Reglur í holukeppni komnar á netið

Í sumar verður holukeppni GHD spiluð með nýju fyrirkomulagi. Spiluð verður 18 holu forkeppni og munu þeir 8 keppendur sem ná bestum árangri með forgjöf komast í úrslitakeppni um tiltilinn Bikarmeistari GHD. Þeir 8 keppendur sem bestum árangri ná án forgjafar munu hins vegar keppa til úrslita um titilinn Meistari í holukeppni GHD. Kynnið ykkur endilega reglurnar undir tenglinum Mótamál hér að ofan.

Mótaskráin komin á golf.is

Þá er mótaskrá GHD komin inn á golf.is svo nú geta kylfingar farið að skipuleggja sumrið. Endilega kíkið inn og kynnið ykkur dagskrá sumarsins því að vanda eru mörg mót í boði og gott er að hafa mótaskrána til hliðsjónar þegar sumarfríið er skipulagt.

Skrifað undir samning við Heiðar n.k. laugardag

Laugardaginn 4. febrúar verður skrifað undir samning við Heiðar Davíð Bragason yfirþjálfara GHD. Undirskriftin fer fram í inniaðstöðunni kl. 11. Það er mikið gleðiefni að hafa nú tryggt klúbbunum starfskrafta þessa öfluga þjálfara og mun hann nú taka við keflinu af Árna Jónssyni sem þjálfað hefur hjá klúbbnum undanfarin ár með frábærum árangri. Síðustu ár hefur Heiðar verið Árna til aðstoðar við þjálfunina en tekur við og mun hafa umsjón með þjálfun allra flokka næstu árin. Við hvetum félaga til að fjölmenna á púttmót á laugardagsmorguninn og vera viðstadda þegar samningurinn verður undirritaður.

Karlakvöldin færð til

Ákveðið hefur verið að flytja karlakvöldin sem verið hafa á sunnudagskvöldum á þriðjudagsseinniparta kl. 17:30. Sunnudagskvöldin reyndust ekki vera hentugur tími og er vonandi að þriðjudagarnir henti betur. Við minnum á að allir eru velkomnir á karlakvöldin ekki aðeins félagar í klúbbnum.

Almennur félagsfundur

Í dag, sunnudaginn 22. janúar, var almennur félagsfundir hjá GHD. Ný heimasíða klúbbsins var formlega opnuð auk þess sem fundarmönnum var skipt í hópa og hver hópur settii niður á blað þau verkefni sem meðlimum hópsins þótti brýnast að ráðast í hjá klúbbnum. Þessum verkefnum var svo forgangsraðað og mun stjórnin nú taka niðurstöður hópavinnunnar til umfjöllunar og hafa þær til hliðsjónar þegar verkefnalisti sumarsins verður ákveðinn. Góður og gagnlegur fundur sem gefur góð fyrirheit um starfið framundan.

Page 46 of 48

Símanúmer í golfskála
466-1204

Joomla templates by Joomlashine